tradhisi serbitan

Serbitan

Dening: Noor Roikhatun N

Serbitan menika mirip upacara brokohan. Inggih menika upacara nalika bayi nembe lair. Menawi upacara brokohan wonten ing desa Karangmalang kecamatan Gebog Kabupateen Kudus menika dipunwastani upacara serbitan. Nalika bayi lair ingkang sepisan tiyang sepuh utawi bapak ngadzani sata ngomati wonten ing kuping bayi. Lajeng mendem ari-ari utawi sedulur tua sasampunipun mendem ari-ari lajeng serbitan utawi brokohan.

Serbitan menika wujud setunggal tradhisi ingkang ngemu agama islam. Amargi tasih ngawontenaken tatacara dedonga cara islam. Tradhisi menika dipunwiwiti wekdal sonten saking lairipun bayi. Tamu ingkang rawuh menika kedah ibu-ibu utawi tiyang estri. Serbitan dipunwiwiti dening mbah dhukun bayi kanthi nyebataken nama si bayi menika, pramila wonten ing tradhisi serbitan emnika kedah wonten bubur abang putih ingkang jangkep utawi jumlahipun ganep, kadosta kalih piring. Bubur abang putih menika awujud bubur saking sekul ingkang dipunparingi gendhis aren utawi gendhis jawi supados saged ngasilaken werni soklat. Wonten ing padatan lajeng dipunwastani bubur abang ingkang inggilipun bubur menika dipunparingi bubur sekul warni petak (mboten diparingi gendhis) saengga assring dipunwastani bubur abrit petak.wonten ing padatan bubur menika asring dipunginakaken nalika maringi nama enggal, utawi gentos nama.

Sasampunipun nyebataken namanipun bayi, mbah dhukun bayi lajeng mandegani dedonga inggih menika surat al-qodr nagntos ping pitu. Sasampunipun dedonga, lajeng lisah sae ingkang sampun dipunselehaken wonten ing lepek (piring nanging awujud alit biasane kagem ndamoni/nyebuli kopi nalika tasih panas) dipunubengaken dhateng para tamu. para tamu menika lajeng ngusapaken lisah sae menika wonten ing mustakanipun bayi.

Sampun rampung tradhisi serbitan menika, lajeng, sederengipun para tamu menika kondur, para tamu menika sami dipunbektani besek utawi berkat. Inngggih menika besek utawi kerdus ingkang wosipun sekul, kuluban (sayur ingkang dipunbumboni sarta diurap kalayan klapa), ulam bandeng, tahu, tempe, sarta ulam asin.

Ancasipun tradhisi serbitan menika sami kalayan tradhisi sanesipun, inggih menika nyuwun donga dhateng para tamu supados bayi menika saged sehat, slamet, serta sae sedayanipun. Serbitan menika ugi setunggal raos syukur ingang dipunkonjukakeng dening tiyang sepuh bayi menika kagem gusti ingkang maha kuwaos ingkang sampun maringi rejeki sarta nikmat arupi bayi menika.