jinise wayang

Wayang

Dening: Noor Roikhatun N

Wayang inggih menika setunggal kesenian ingkang tasih dipunremeni dening sedaya masyarakat. Wayang menika kesenian tilaranipun para sesepuh ingkang tasih dipunugemi, dipunuri-uri dening para warga. Wonedene jinising wayang emnnika kathah sanget, kadosta:

1.      Wayang purwa

Wayang purwa ugi sinebat wayang kulit amargi dipundamel saking kulit sapi utawi kulit maesa. Wayang menika nyariosaken crios ramayana  sarta mahabharata. Ingkang sepisanan nganggit wayang kulit inggih menika sunan kalijaga. Wayang menika ugi ngginakaken layar utawi kelir nalika dipunginakaken.

2.      Wayang golek

Wayang golek ugi sinebat wayang tengul. Wayang menika dipundamel saking kajeng ingkang dipunparingi agmean kados manungsa. Ingkang dipuncariosaken inggih menika crios sejarah kadosta crios babagan batavia, lsp.  Wayang menika mboten ngginakaken kelir naika nembe pentas.

3.      Wayang krucil

Wayang menika ugi dipunsebat kanthi wayang klithik. Wayang menika dipundamel saking kajeng sarta bentukipun kados wayang kulit. Padatanipun nyariosaken crios damarwulan sarta majapahit. Bentenipun kalayan wayang kulit inggih menika nalika nancepaken wayang. Menawi wayang klithik dipuntacepaken wonten ing kajeng ingkang sampun dipunbolongi, mboten ngagem wit pisang.

4.      Wayang beber

Wayang menika dipundamel saking lembaran kulit sapi utawi kain. Saben lembar menika setunggal adegan crios. Menawi sampun mboten dipunginakaken, wayang menika dilempit. Wayang menika kaanggit nalika jaman majapait.

5.      Wayang gedog

Wayang menika mirip wayang kulit. Criosipun saking jawa, kadosta crios mataram, kediri, lsp. Wayang menika namung ngantos tahun 1400 sarasan.

6.      Wayang suluh

Wayang menika asring kagem “penerangan utawi penyuluhan” masyarakat. Wayang menika arupi wayang modern ingkang dipunparingi ageman kadosta manungsa. Wayang menika nyariosaken babagan perjuangan bangsa Indonesia nalika nglawan penjajah.

7.      Wayang titi

Wayang menika wayang cina. Pramila saged dipuntingali wonten ing klentheng utawi kampung-kampung cina.

8.      Wayang Madya

Wayang menika dipunanggit dening K.G Mangkunegara IV awal abad XVIII. Criosipun babagan pandawa nalika sampun rampung perang baratayuda.

9.      Wayang Wahyu

Wayang menika sinebat wayang bibel. Criosipun saking kitab injil, dipunanggit dening Bruder Themotheos kagem nyiaraken agama kristen.

10.  Wayang wong

Menika wayang purwa ingkang dipunpentasaken dening manungsa. Criosipun sami kalayan wayang purwa.

*sumber: wayang (Nanda M.H.)